مقااالب النت

في النت مقالب وخداع بالهبل

و كلنا زي الهبل بنقع فيه

و انا اللي قدرت اجيبه و لميته

اوه


اول حاجة
بيج (( مين زار بروفايلك لليوم )) على الفيس بوك ده مقلب

علشان الفيس بوك مش بيقدم الخدمة ديه ده واحد حمار عامل بيج اهبل علشان
يخدع الاعضاء

و ادي الصورة


في رسالة منتشرة اوي اوي اوي و هيا

(( شاب فلسطيني حلم ان لو انت بعت الرسالة دي ل20 شخص ربنا هايرزقه رزق
كبير و لو اهملتها هايجيلك شلل ))

يعين هوا الشاب ده كان شيخ و مين اللي قالك انه حلم بكده و بعدين لما ابعت ل

20 واحد و ال20 واحد دول يبعتوها ل20 عبط غيرهم على اساس انه مستني الرزق

يلا يا عم بلا هبل



لما حد يبعتلك مدونة يقولك اكسب رصيد مجانا على موبايلك او في رصيد البنك
بتاعك
انت كالعبيط تدوس على مربعات لايك اللي هوا مديهالك و بعدين يقولك هات رقم

حسابك و كلمة السر علشان يقلبك فيهم

و في الاخر يبقى هوا كسب حاجتين عضو جديد في صفحاته اللي حضرتك بعبط

البطريق دوست عليهم لايك

و فلوس كمان يا معلم و اشرب بقه





موضوع الرسام الدنماركي اللي رسم صور مسئية للرسول يقولك ايه اتحرق

ولا اتحرق ولا حاجة ما هو متنيل في الدنمارك قاعد زي القرد لا مات ولا زفت



موضوع بيتهالي انه الاكثر انتشارا بين المنتديات موضوع اسمه كده

(( الصورة التي شل الله يد مصممها بعد تصميمها ب 5 ثوان ))
هوا ده اسمه بالظبط

و الصورة اهيه



و سعادتك كمؤسس للموضوع كنت قاعد بسلامتك جنب الراجل اللي صممها و بعدين
فجأة اتشل قدامك



حاجة على الفيس بوك اسمها اعرف مين عملك ريموف ( مسح ) ده هبل



لو لقيت صفحة مكتوب عليها (( الصفحة الرسمية للفنان ... او الشركة .... ))

انا شايف انك متصدقش لحد ما تتاكد ان اللي بيدير البيج هوا المقصود



دلوقتي معدش فيه حاجة حصري لان كله بيعمل copy دلوقتي و كل المواضيع مكررة
عل النت
يعني الموضوع ده اللي انتوا فيه اول مرة يتعمل لكن هوا يومين و هتلاقيه فيه

منه مليون موضوع بنفس الكلام بتاعي




الموضوع الرخم ( اوي)×10

نجمة اسرائيل في جهازك شيلها و لك الاجر

يعني انا لو مشتلهاش هاروح النار

و هوا اللي كنت حاططها

دي حاجة اساسية في الاوفيس

مش اسرائيل اقتحمت جهاز حضرتك و

هاتخد البيانات النووية اللي عليه و حطيتلك صورة للذكرى





الجهل بقه على الفيس بوك

يعني تلاقي عيل صغير عمره 9 سنوات

كاتب (( بحبها و مش حاسه بيا ))

و بنت 10 سنين
و كاتبه (( محدش بينجرح اوي غير لما بيحب اوي ))

اتهدوا بقه احنا لما كنا قدكوا كنا عايزين نعدي الوحش اللي في لعبة ماريو



يعني تلاقي " سيد " حاطط نكتة
محدش يعبر فيه

تيجي " لولو " تحط نفس النكتة

تاخد 20 كومنت و 20 لايك و 20 فريند و 20 رسالة تهئنة بدمها الخفيف اللطيف




اعلان استرجل و اشرب بيريل

اظن اللي شايف نفسه راجل مش هايشرب

و اللي مش متاكد من رجولته هايشربها

بس ده على اساس ان ال نص لتر دول هايخلوك راجل و لامؤاخذة ولا ايه




لما تلاقي واحد حاطط في موضوعه

(( حقوق النشر محفوظة ))
محفوظة على حبل الغسيل يا حبيبي

مفيش حقوق ولا خصوصية ولا حصريات ما تعملش فيها

عالم الفن

.................................................. ...................................

حسبى الله ونعم الوكيل



الموضوع الأصلي : مقالب الفيس بوك -||- المصدر : منتدى أهلي ديفلز -||- الكاتب : alcaptin77200